नेपालमा आइतबार ४२५ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयले आइतबार आयोजना गरेको पत्रकार सम्मेलनमा प्रवक्ता डा जागेश्वर गौतमले पछिल्लो २४ घन्टामा मुलुकका विभिन्न जिल्लामा गरी ४२५ जनामा संक्रमण देखिएको जानकारी दिएका हुन् ।
उनका अनुसार संक्रमितमध्ये ३७५ पुरुष ५० महिला छन् ।
संक्रमित हुनेमा मोरङका २५, सुनसरी १, झापा १, सप्तरीका १०, पर्साका १७, बारा ९ लगायत छन् । यो सङ्गै नेपालमा कुल संक्रमितको संख्या ५७६० पुगेको छ ।
हालसम्म ९ सय ७४ जना निको भएका छन् । आइतबार ६ जना निको भएर घर फर्किएका छन् ।